வெறுமனே இருந்த நாளொன்றில்

மனம் விரும்பும் வேலையற்ற பொழுதினில்
வெறுமனே வேடிக்கையில் இருந்தேன்
சுவற்றில் அலைந்த பூச்சிகளை
தன் ஈர நாவால்
இழுத்துக்கொண்டிருந்தது பல்லி
அருகிருந்த சன்னல் வெளியில்
தன்னுள் இருந்த ஆயிரமாயிரம்
பின்னல்களை திரையாக்கி
விழும் பூச்சிகளை இரையாக்கியது
எட்டுக்கால் பூச்சி
இதிலென்னவென சலிப்படையாது
மேலே தொடருங்கள்
நானும் சலிப்படைந்த கணத்தில்தான்
காட்சிகளை மாற்றியமைத்தேன்
எட்டுக்கால் பூட்சியின் வேட்டைவலையில்
விழவைத்தேன் பல்லியை
பூச்சியின் நிலை குறித்து
சொல்வதற்கு ஒன்றுமில்லை
நீங்களாகவே விருப்பம்போல்
முடிவெடுத்துக்கொள்ளுங்கள்...

-நன்றி : பண்புடன் இணைய இதழ்